Աղբամաններն առանց մարտկոցների. լուսանկարչական նախագիծ

Լուսանկարը` Սոնա Սահակյանի

img_1468

Օգտագործված մարտկոցները որպես բնապահպանական աղետ

Նախագծի բովանդակություն և նպատակ:  Մարտկոցները ինքնուրույն հոսանքի աղբյուրներ են հանդիսանում տարբեր կենցաղային տեխնիկաների համար:  Օգտագործված մարտկոցը պարունակում է սնդիկ, կապար, կադմիում, մագնեզիում, ցինկ և այլն: Նետելով աղբամանի մեջ` մարտկոցը  հետագայում հայտնվում է քաղաքային աղբանոցում, որտեղ մարտկոցում պարունակած ծանր մետաղները ժամանակի ընթացքում հայտնվում եմ գրունտային ջրերում: Այնուհետև այն անխուսափելիորեն հայտնվում է մարդու օրգանիզմում սննդի միջոցով: Օրինակ` վերը նշված քիմիական էլեմենտներից կադմիումը կարող է առաջացնել թոքերի քաղցկեղ: Այդ իսկ պատճառով շատ կարևոր է օգտագործված մարտկոցը չգցել աղբամանը, այլ հանձնել հատուկ վերամշակող-վերականգնող  /ուտիլիզացիա/ ընկերություններին, որպեսզի  վերջիններիս միջոցով բացառենք դրանց հայտնվելը աղբամաններում: Այս նախագծի նպատակն է զարգացնել սովորողի մոտ բնապահպանական գիտակցությունը:
Նախագծի արդյունքները կցուցադրվեն <<Արևորդի>> փառատոնի շրջանակներում կայանալիք լուսանկարչական ցուցահանդեսին:
Մասնակիցներ՝ Միջին և Արևմտյան դպրոցի կինո-ֆոտո ընտրությամբ գործունեության խմբի սովորողներ, Քոլեջի սովորողներ:

Advertisements

2019-2020թթ-ի Քոլեջի լուսանկարչական գործ դասընթացի ուսումնական ծրագիր

Բովանդակություն, նպատակ։ «Լուսանկարչական գործ» դասընթացը  կազմված է հետևյալ  ծրագրային մոդուլներից՝

  • Համակարգչային տեխնոլոգիաները լուսանկարչության մեջ
  • Լուսանկարչության ընդհանուր դասընթաց
  • Լուսանկարչական սարքերի վերանորոգման և սպասարկման հմտություններ
  • Թվային լուսանկարչություն
    Ուսումնական պարապմունքները կազմված են աշխատանքային հետևյալ փուլերից՝
    1․ Տեխնիկական գիտելիքներ լուսանկարչական սարքերի, աքսեսուարների, կոմպոզիցիայի և այլնի  վերաբերյալ
    2․Նախագծային ստեղծագործական աշխատանքներ
    3․Ծրագրային նյութերի ունկնդրում-քննարկում /դասական և ժամանակակից լուսանկարչական գործերի ուսումնասիրություն, ծրագրային, գեղարվեստական, դոկումենտալ ֆիլմերի դիտում-քննարկում/
    4․Նկարահանված նյութերի մշակում, մոնտաժում
    5․Կրթահամալիրային ֆոտոխրոնիկայի ստեղծում
    Ծրագրի յուրացման արդյունքում ուսանողը կտիրապետի լուսանկարչական տեխնիկայի ճիշտ օգտագործմանը, կընթերցի պատկերային ինֆորմացիան, կստեղծի լուսանկարչական նախագծեր։
    Ուսումնական պարապմունքների մեթոդական նկարագրություն։
    Ուսումնական պարապմունքները , ելնելով աշխատանքային վերոնշյալ փուլերց , կազմված են դասարանային ուսումնական պարապմունքներից և արտադասարանային նկարահանումներից։
    Մասնակիցները՝ Քոլեջի 1,2 և 3-րդ կուրսի «Լուսանկարչական գործ» բաժնի ուսանողներ։
    Արդյունքներ։
    Ուսումնական պարապմունքների արդյունքում ստեղծված անհատական և խմբային աշխատանքները կհրապարակվեն կրթահամալիրի կայքում, Քոլեջի ենթակայքում, ինչպես նաև ուսանողների բլոգներում։ Լավագույն նախագծերը կներկայացվեն լուսանկարչական ցուցահանդեսի տեսքով։

    Սեպտեմբեր ամսվա Քոլեջի «Լուսանկարչական գործ» բաժնի ուսանողների ուսումնական նախագիծ
    «Մինիմալիզմը իբրև մարտահրավեր»
    Բովանդակություն, նպատակ։ Վերջին մի քանի տասնամյակներում ակտուալ դարձած բազմաթիվ բնապահպանական շարժումների մեջ իր կարևոր տեղն է զբաղեցնում մինիմալիստական կեցությունն իբրև մարտահրավեր ժամանակակից սպառողականությանը։ Գովազդային գործիքների միջոցով արհեստականորեն ակտիվացվող սպառողական տենդենցները բազմաթիվ էկոլոգիական խնդիրներ են ստեղծում, որոնք անդառնալի հետևանքներ են ունենում բնաշխարհի վրա։ Մինիմալիստական շարժումը իր հետևորդներն ունի նաև Հայաստանում, կան նաև այս շարժմանը հարող փոքրաթիվ նախաձեռնություններ։ Այս նախագիծը ուղղված է այս շարժման բովանդակության ուսումնասիրմանը, կայացման տեխնոլոգիաներին, նպատակների ուսումնասիրմանը։ Նախագիծը ունի հետազոտական բնույթ, ձևաչափերը՝ վավերագրական դիմանկար, ռեպորտաժ, ֆոտոպատմություն։ Նախագծի իրականացման փուլում կլինեն հանդիպումներ այս շարժմանը հարող անհատների, նախաձեռնության անդամների հետ։
    Արդյունքներ։ Նախագծի արդյունքները կներկայացվեն լուսանկարչական ցուցահանդեսի տեսքով, կհրապարակվեն ուսանողների բլոգներում։
    Մասնակիցներ՝ Քոլեջի 1,2,3 կուրսի ուսանողներ։
                                                                                                   Ծրագրի հեղինակ՝ Սուսան Ամուջանյան

Միջին դպրոցի կինո-ֆոտո ընտրությամբ գործունեության 2019-2020 ուս-տարվա ծրագիր

Բովանդակություն և նպատակ:  Կինո-ֆոտո ընտրությամբ գործունեությունը  ուղղված է սովորողի ստեղծագործական կարողությունների զարգացմանը, պատկերային մտածելակերպի ամրապնդմանը, պատկերային բովանդակության ընթերցմանը, ինչպես նաև լուսանկարչական տեխնիկական գիտելիքների ձեռք բերմանը: Գործունեությունը բախկացած է աշխատանքային հետևյալ փուլերից՝
1. Լուսանկարչական ընդհանուր գիտելիքների ուսուցանում
2.Նախագծային նկարահանումներ
3.Նախագծային նկարահանված նյութի քննարկում, մշակում և տարածում
4.Ծրագրային նյութի ունկնդրում և քննարկում /մասնագիտական, դոկումենտալ և գեղարվեստական ֆիլմեր՝ հարմարեցված տարիքային խմբին/
5.Ծանոթացում դասական, ժամանակակից լուսանկարիչների գործունեությանը
Ուսումնական պարապմունքների մեթոդական նկարագրություն: 
Ուսումնական հանդիպումները բախկացած են երկու էտապներից՝ լուսանկարչական նյութերի և նկարահանված նյութերի դիտում-քննարկում  ուսումնական կաբինետում և արտադասարանային  պարապմունքներից /նկարահանումներ, որոնք տեղի են ունենում հիմնականում  դպրոցի հարակից տարածքներում/:
Ուսումնական պարապմունքների պահանջները. յուրաքանչյուր սովորող պետք է ունենա իր անհատական նկարահանման սարքը՝ ֆոտոխցիկ կամ հեռախոս, կինո-ֆոտո ընտրության բաժինը իր բլոգում, որտեղ կհրապարակվեն ընտրությամբ գործունեության անհատական կամ խմբային նախագծերը:
Արդյունքները: Այս ուսումնական պարապմունքի արդյունքում ստեղծված նախագծերը կներկայացվեն լուսանկարչական ցուցահանդեսի կամ օնլայն ցուցահանդեսի տեսքով:

2019-2020 ուս տարվա սեպտեմբեր ամսվա նախագիծ
«Զրո  աղբ» լուսանկարչական-հետազոտական նախագիծ
«Զրո աղբ»-ը միջազգային բնապահպանական շարժում կամ նախաձեռնություն է, որը իր փոքրիկ ծիլերն ունի նաև Հայաստանում: Այս նախաձեռնության հիմնական նպատակն է  գիտակցված  սպառումն  ու  այնպիսի կենսագործունեությունը, որը նվազեցնում է էկոլոգիական խնդիրները: Այս նախագծի ընթացքում սովորողները՝
1. կծանոթանան այն լայնածավալ էկոլոգիական խնդիրներին, որը ստեղծում է սպառողական հասարակությունը:
2. Լուսանկարչական-հետազոտական աշխատանքի միջոցով կներկայացնեն այդ խնդրի տարբեր լոկալ դրսևորումները:
3.Նկարահանված նյութից կստեղծեն պաստառներ, որոնք կտարածենք հարակից բակերում:
«Զրո  աղբ» լուսանկարչական-հետազոտական նախագծի աշխատանքային փուլերն են՝
1. Ծանոթացում  «Զրո  աղբ» շարժման բովանդակությանը
2.Նկարահանման նյութի ընտրություն և քննարկում
3. Նկարահանում
4.Նկարահանված նյութից պաստառների պատրաստում և տարածում Բանգլադեշի բակերում
Արդյունքներ: Նախագծի արդյունքները կհրապարակվեն կրթահամալիրի կայքում, սովորողների բլոգներում:
Մասնակիցները՝ Միջին դպրոցի կինո-ֆոտո ընտրությամբ գործունեության խումբ:
Նախագծի հեղինակ՝ Սուսան Ամուջանյան

 

Բանգլադեշը 100 սովորողի աչքերով․ Բանգլադեշյան խճանկար

«Բանգլադեշը 100 սովորողի աչքերով»  նախագծի շրջանակներում Արևմտյան դպրոցի կինո-ֆոտո ընտրությամբ գործունեության խումբը ներկայանում է «Բանգլադեշյան խճանկար» լուսանկարչական ցուցահանդեսով։ Նախագծում ներկայացված են սովորողների` Բանգլադեշի տարբեր թաղամասերում արված լուսանկարներ, որոնք և՛ թեմատիկ, և՛ ժանրային առումներով շատ տարբեր են։  Սակայն բոլոր աշխատանքներին միավորում է այն տարածքը, որտեղ աշխատել են սովորողները:
Ցուցահանդեսը տեղի կունենա  հունիսի 6-ին ժամը 11։00 Արևմտյան դպրոցի բակում։

IMG-75f25eed33239300f28565ddabc61487-V

Կինո-ֆոտո ընտրությամբ գործունեություն

Կրտսեր դպրոցի կինո-ֆոտո ընտրությամբ գործունեության խմբի ուսումնական ծրագիր

 

Բովանդակություն և նպատակ

Այս ուսումնական ծրագրի նպատակներն են` լուսանկարչական  տեխնիկայի ուսումնասիրություն, ստեղծագործական որակների ձեռք բերում, պատկերային ինֆորմացիայի ընթերցում և վերծանում, ձեռք բերված տեխնիկական  հմտությունների կիրառում անհատական կամ խմբային թեմատիկ նախագծերում: Ծրագրային մոդուլներն են`

1.Լուսանկարչական տեխնիկայի ուսումնասիրություն լուսանկարչական նախագծերի շրջանակներում

2.Լուսանկարահանում

3.Լուսանկարչական պրակտիկաների ուսումնասիրում  /հարմարեցված տարիքային տվյալ խմբին/

Ուսումնական պարապմունքների կազմակերպման մեթոդական նկարագրություն

Ուսումնական հանդիպումները բախկացած են երկու էտապներից՝ լուսանկարչական նյութերի և նկարահանված նյութերի դիտում-քննարկում  ուսումնական կաբինետում և արտադասարանային  պարապմունքներից /նկարահանումներ/, որոնք տեղի են ունենում հիմնականում  դպրոցի հարակից տարածքներում:

2018-2019 ուստարվա նախագծեր

  1. Բնապահպանականնախագիծ <<Բնապահպանական պաստառ>>

Բնապահպանական թեմաները բազմազան են` ջրային ռեսուրսներ, կենցաղային աղբ, հանքաարդյունաբերություն և այլն: Այս նախագծի շրջանակներում սովորողները հնարավորություն կունենան, ծանոթանալով բնապահպանական խնդիրներին,  պատկերել դրանք վավերագրական կամ գեղարվեստական լուսանկարի կամ լուսանկարչական շարքի  միջոցով: Նախագիծը իրականացվում է չորս էտապներով՝

  1. Նյութիընտրություն– քննարկում
  2. Նկարահանում

Մասնակիցներ` Արևմտյան և Հարավային դպրոցների  կինո-ֆոտո ընտրությամբ գործունեության խմբեր:

 

2.<<Փողոց>> դոկումենտալ լուսանկարչական նախագիծ. Փողոցային լուսանկարչությունը առանձին ժանր է  և տարածված է հատկապես արևմտյան լուսանկարչության մեջ:  Այն փողոցի, այնտեղ գտնվող մարդկանց, ճարտարապետության, իրավիճակի, մշակույթի, ժամանակի, ներկա պատմության  ուսումնասիրությունն է լուսանկարչական ապարատի միջոցով: Այս նախագծի ընթացքում կուսումնասիրենք Բանգլադեշի թաղամասերը: Նախագծի տևողությունը` 2 ամիս:

 

Արդյունքները կհրապարակվեն   ֆոտոցուցահանդեսների կամ շնորհանդեսների  միջոցով:

Ուսումնական պրոցեսի համար անհրաժեշտ էորպեսզի յուրաքանչյուր սովորող ունենա լուսանկարահանման որևէ սարք՝  լուսանկարչական ապարատ,  հեռախոսպլանշետ և այլն:

Բանգլադեշը 100 սովորողի աչքերով․ լուսանկարչական-հետազոտական նախագիծ

Բովանդակություն և նպատակ։  Բանգլադեշը, լինելով Երևանի նորակառույց թաղամասերց, /կառուցվել է 80 ականներին/  ունի իր առանձնահատուկ մշակույթն ու նշանակությունը Երևանի համար։ Այս լուսանկարչական  նախագիծը միտում ունի հետազոտելու Բանգլադեշը, ներկայացնելու համայնքային, մշակութային, էկոլոգիական խնդիրները, բնակիչներին և այն առանձնահատուկ ենթամշակույթը, որը առկա է այս համայնքում:
Նախագծի մեթոդական նկարագրություն
Սա անհատական նախագիծ է, որի ընթացքում յուրաքանչյուր սովորող  առաջարկում է իր նախընտրած բանգլադեշյան թեման: Աշխատանքային էտապները հետևյալն են՝
1.Թեմայի ընտրություն և քննարկում /նախագծի զարգացում/
2.Նկարահանում
3. Նկարահանված նյութի ընտրություն և մշակում
<<Բանգլադեշը 100 սովորողի աչքերով>> նախագիծը հնարավորություն կստեղծի ուսանողի համար
ա/ առնչվելու հետազոտական- լուսանկարչական նախագծի աշխատանքային դիսցիպլինների հետ
բ/զարգացնելու լուսանկարչական տեխնիկական հմտությունները
գ/ զարգացնելու ստեղծագործական կարողությունները
Նախագծի մասնակիցներ՝  Քոլեջի 1, 2, 3 կուրսի ուսանողներ:
Իսախանյան  Հակոբ /Բ4 թաղամաս/
Թորոսյան Արմեն  /Թվային աղմուկ/
Լարա Ասլանյան /Բանգլադեշի ուրիշները/
Մարիամ Փաշայան /Ռետրո Բանգլադեշ/
Ավետիս Պետրոսյան /Հանրային պոեզիա/
Անուշիկ Քելամյան /Նախկին ավտոտնակներ/
Ազատուհի Հարությունյան /Դետալիզացված Բանգլադեշ/
Գագիկ  Եղոյան/Բանգլադեշի կանաչ գոտիները/
Եգորյան Հրայր /Սև ու սպիտակ Բանգլադեշ/
Նախագծի արդյունքները՝ կհրապարակվեն  սովորողների բլոգներում:
61049268_864975737205714_5249473517828702208_n

Լուսանկարը՝ Մարիամ Փաշայանի <<Ռետրո Բանգլադեշ>> շարքից:

 

 

 

 

Հեղինակային կրթական ծրագրի բաց ցանցի բաց լաբորատորիա․ ապրիլի 26-27

«Հեղինակային կրթական ծրագրի բաց ցանցի բաց լաբորատորիա » նախագծի լուսաբանման  և տարածման  աշխատանքներ։  

Աշխատանքային փուլեր՝
1․ ֆոտո և վիդեո նկարահանում
2․ Նկարահանված նյութերի մշակում, մոնտաժում
3․Տարածում համացանցում /կրթահամալիրի կայք, սոցցանցեր/
4․Ուղիղ եթերների ապահովում

Նպատակ՝ ստեղծել մոբիլ և  որակյալ տեղեկատվություն, որը կներկայացնի իրադարձությունը իր ողջ բովանդակությամբ։
Աշխատանքային թիմ՝
Քոլեջի լուսանկարիչների խումբ
1․ Ազատուհի Հարությունյան
2․Արմեն Թորոսյան
3․Գագիկ Եղոյան
4․Անուշ Քելամյան
5․Էլեն Գասպարյան