Բովանդակություն։ Գույնի զգացումը կախված է ֆիզիոլոգիական, հոգեբանական և սոցիալ-մշակութային համակարգերից։ Սևը և սպիտակը գույներ չեն համարվում։ Սպիտակ լույսի նեղ փունջը պրիզմայով անցնելիս բեկվում է, և առաջանում են իրար հաջորդող տարբեր գույնի շերտեր։ Այդ պատկերն ընդունված է անվանել լույսի սպեկտոր։ Էսկիմոսները սպիտակ գույնի համար 17 բառ ունեն` կախված ձյան պայմաններից։ Սպիտակ գույնն ունի տարածության ընդլայնման տեսողական առանձնահատկություն։ Որպես կանոն, այն դրական ազդեցություն ունի, համարվում է մաքրության, խաղաղության խորհրդանիշ, որոշ մշակույթներում նաև սգո խորհրդանիշ։ «Սպիտակը գույն չէ» լուսանկարչական նախագծի շրջանակներում կփորձենք խորհել սպիտակի՝ որպես լուսանկարչական կոմպոզիցիայի հիմնական բաղադրիչի մասին։ Լույսի, սպիտակ գույնի, ֆորմայի և տեսանկյան միջոցով կստեղծենք սպիտակ կոմպոզիցիաներ, որոնք մի գուցե կլինեն շատ ուտոպիստական, քանի որ ի սկզբանե հայտարարել ենք, որ սպիտակը գույն չէ։ Թեմատիկ առումով նախագիծը սահմանափակումներ չունի։
Նախագծի արդյունքներ։ Նախագծի ընթացքում ստեղծված լուսանկարները կներկայացվեն լուսանկարչական ցուցահանդեսի ընթացքում։
Նախագծի մասնակիցներ՝ Քոլեջի լուսանկարիչների խումբ։
Սուսան Ամուջանյան. Մխիթար Սեբաստացի կրթահամալիր 